एनआरएनए यूकेले आज १ अप्रिलदेखि एमआइएस सिस्टमबाट पञ्जीकृत सदस्यता वितरण शुरु गरेको छ । सदस्यता लिने समयसीमा आउंदो १० जुनसम्म तोकिएको छ भने शुल्क १० पाउण्ड छ ।
अहिले शुरुमा वेव भर्जन (कम्प्युटर, डेस्कटप वा ल्यापटप) बाट प्रक्रिया शुरु गरिएको र छिट्टै स्मार्टफोन (आइओएस, एन्ड्रोइड) मा समेत उपलब्ध गराउन प्रयासरत रहेको संघले एक सूचनामार्फत जनाएको छ ।
एनआरएनए यूकेलाई थप व्यवस्थित बनाउन उक्त प्रविधि शुरु गरिएको संघकी अध्यक्ष पुनम गुरुङ र महासचिव फडिन्द्र भट्टराईले बिहीबार जारी गरेको सूचनामा उल्लेख छ ।
